Տիգրան Ամիրյան
Հիմնադիր տնօրեն
Տիգրան Ամիրյանը «Մշակութային և սոցիալական նարատիվների լաբորատորիայի» նախագահն ու համահիմնադիրն է։ Նա արդի համաշխարհային գրականության մասնագետ է, բանասիրական գիտությունների թեկնածու, սեմիոլոգ, համադրող և ժամանակակից արվեստի հետազոտող։ Ամիրյանը հեղինակ է բազմաթիվ գիտական հոդվածների, այդ թվում՝ գրականության պոստմոդեռնիստական ժանրերի ուսումնասիրության, գրականության սոցիոլոգիայի, մշակութային և քաղաքային հիշողության թեմաներով։ Նրա հետազոտական գործունեությունը միավորում է մշակութային մարդաբանությունը և գրականագիտությունը՝ կիրառելով այնպիսի մեթոդներ, ինչպիսիք են միջգիտակարգային ուսումնասիրությունները, համեմատական վերլուծությունները և այլն։ Նրա հիմնական հետաքրքրությունների շրջանակը ներառում է ժամանակակից մշակույթում անհատի և հավաքական հիշողության պատումայնացումը, արվեստային (գեղարվեստական) ռեպրեզենտացիան, անձնական պատմությունները, ինքնակենսագրական պատումները, մարդկանց կյանքն ու հուշերն իրենց մեջ ամբարած, անհետացման եզրին գտնվող կամ ավիրված ուրբան տարածքների և շրջակա միջավայրի ուսումնասիրությունները։ Որպես հետազոտող և համադրող, Տիգրան Ամիրյանը աշխատում է այնպիսի թեմաներով ինչպիսիք են դավադրապաշտական դիսկուրսը և հանրային հիշողությունը, վերնակուլյար ճարտարապետությունը և սովորական մարդկանց կյանքը, լուսանկարչությունը և հիշողությունը, միգրացիան և հիշողությունը։ Ամիրյանը համադրում է նաև նախագծեր, որոնք անդրադառնում են մշակութային իրավունքներին և գաղութային անցյալին։
