«Կանաչ Հայաստան. դեպի մշակութային կայունություն»-ը միջոլորտային հետազոտություն է, որն ուսումնասիրում է Հայաստանի մշակութային և ստեղծարար ոլորտում կայունության պրակտիկաները և բնապահպանական հիմնահարցերի ներգրավումը։ Այն քարտեզագրում է գոյություն ունեցող մոտեցումները, բացահայտում հիմնական մարտահրավերներն ու հնարավորությունները և առաջարկություններ է ներկայացնում առավել կայուն մշակութային զարգացման համար։
Դիտարկելով ինչպես պետական, այնպես էլ անկախ մշակութային հաստատություններն ու նախաձեռնությունները՝ սույն հետազոտությունը վերլուծում է, թե ինչպես են շրջակա միջավայրին վերաբերող թեմաները և գործնական կայունության միջոցառումները ներկայում ներառված մշակութային կյանքում, և ինչպես են այդ ջանքերին աջակցում (կամ սահմանափակում) քաղաքականություն մշակող և որոշումներ կայացնող հաստատությունները։ Հիմնվելով հետազոտությունների քարտեզագրման, քաղաքականության և օրենսդրության վերլուծության, ինչպես նաև մշակութային և բնապահպանական նախաձեռնությունների և հաստատությունների փորձագիտական կարծիքների վրա՝ սույն հետազոտությունն առաջարկում է գործնական քայլեր՝ Հայաստանի մշակութային ոլորտում համակարգումը, կարողությունները և երկարաժամկետ կայունությունը ամրապնդելու համար։