«ZINEադադար»-ը CSN Lab-ի համանուն նախագծի փոդքասթային տարրն է։ Այն վեր է հանում պատերազմների եւ զինված հակամարտությունների համատեքստում կանանց փորձառությունը, որը հաճախ ստվերվում է պաշտոնական պատմության եւ ռազմականացված նարատիվների կողմից։ Փոդքասթը պատմում է պատերազմական եւ հետպատերազմական իրականությունում կանանց սոցիալական դերի փոխակերպումների եւ կյանքը կառուցելու գործում կարեւոր նշանակության մասին։ Տարաբնույթ ոլորտներից հրավիրված խոսնակները Շուշաննա Թեւանյանի հետ կիսվում են իրենց փորձագիտական կարծիքներով, ինչպես նաեւ անձնական եւ զգայական պատմություններով։ «ZINEադադարն» անդրադառնում է այնպիսի թեմաների, ինչպիսիք են՝ բռնի տեղահանության եւ համայնքների միգրացիայի խնդիրները, ռազմականացման արդյունքում ատելության խոսքի եւ ընտանեկան բռնության աճը, կանանց իրավունքների պաշտպանության մարտահրավերները, հիշողության քաղաքականության փոխակերպումները, նյութական եւ ոչ նյութական մշակութային ժառանգության պահպանության հիմնահարցերը, պատերազմական տրավման հաղթահարելու գործում արվեստի եւ մշակույթի դերը։
«ZINEադադար» փոդքասթն իրականացվել է «Մշակութային եւ սոցիալական նարատիվների լաբորատորիա»-ի կողմից՝ կանադական «Աջակցություն տեղական ծրագրերին» (CFLI) ֆոնդի աջակցությամբ։
Լուսինե Խառատյան - էպիզոդ #1
«ZINEադադար» փոդքասթի երկրորդ եթերաշրջանի առաջին թողարկմանը Շուշաննա Թևանյանը զրուցել է մշակութային մարդաբան և արձակագիր Լուսինե Խառատյանի հետ։ Անդրադարձ է կատարվել այնպիսի թեմաների, ինչպիսիք են հայ ժամանակակից գրականության և կոնֆլիկտի միջև կապը, կին գրողների դերը և արժևորման խնդիրը հայկական իրականությունում, ինչպես նաև սոցիալական մեդիայի իրականությունում գրականության հնարավոր փոխակերպումները։
Լուսինե Խառատյան - էպիզոդ #2
«ZINEադադար» փոդքասթի երկրորդ եթերաշրջանի այս թողարկմանը Շուշաննա Թևանյանը շարունակել է իր զրույցը մշակութային մարդաբան և արձակագիր Լուսինե Խառատյանի հետ։ Քննարկման այս հատվածում նրանք անդրադարձել են հիշողության քաղաքականությանը, այդ քաղաքականությունը ձևավորող հիմնական գործոններին, ինչպես նաև պատերազմական և հետպատերազմական համատեքստում հիշողության քաղաքականության փոխակերպումներին։
Զառա Հովհաննիսյան
«ZINEադադար» փոդքասթի երկրորդ եթերաշրջանի վերջին թողարկմանը Շուշաննա Թեւանյանը զրուցել է «Կանանց աջակցման կենտրոն»-ի հանրային կապերի պատասխանատու, իրավապաշտպան Զառա Հովհաննիսյանի հետ։ Էպիզոդն անդրադառնում է այն հիմնական սոցիալ-տնտեսական, ֆիզիկական եւ հոգեբանական դժվարություններին, որոնց կանայք առնչվում են հայկական միջավայրում 44-օրյա պատերազմից հետո։ Տարիներ ի վեր կանանց իրավունքների պաշտպանությամբ եւ ջատագովությամբ զբաղվող Զառա Հովհաննիսյանը, երբեմն՝ ահասարսուռ օրինակներով, պատմում է թե ինչպե՞ս
Գայանե Համբարձումյան
«ZINEադադար» փոդքասթի երկրորդ եթերաշրջանի նախավերջին թողարկմանը Շուշաննա Թևանյանը զրուցել է «Կանանց կենտրոն. Շուշի» ՀԿ-ի ղեկավար Գայանե Համբարձումյանի հետ։ Գայանեն կիսում է ինչպես իր անձնական, այնպես էլ կազմակերպության տեղահանման պատմությունը 44-օրյա պատերազմից ժամանակ։ Անդրադառնալով նաև քաղաքականության մշակմանը` զրուցակիցները քննարկում են ՄԱԿ-ի «Կանայք, խաղաղություն և անվտանգություն» օրակարգի շրջանակներում պետական մարմինների և քաղհասարակության գործունեությունը։
Լիլիթ Գիժլարյան
«ZINEադադար» փոդքասթի այս թողարկմանը Շուշաննա Թևանյանը հյուրընկալել է հայ-ադրբեջանական երկխոսությունների ֆասիլիտատոր Լիլիթ Գիժլարյանին։ Նրանք խոսում են հակամարտող կողմերի միջև երկխոսության անհրաժեշտության, դրա իրականացման գործիքակազմերի և բարդությունների մասին։ Փոդքասթում քննարկվում են նաև պետական արտաքին քաղաքականության մշակման գործընթացներում երկխոսության ծրագրերի ազդեցության հանգամանքը և
Հանրության շրջանում պատերազմի խոսույթը խաղաղության խոսույթով փոխարինելու պատնեշները։
Էվիյա Հովհաննիսյան
«ZINEադադար» փոդքասթի առաջին թողարմանը Շուշաննա Թևանյանը հյուրընկալել է սոցիալական մարդաբան Էվիյա Հովհաննիսյանին, ում հետ զրուցել է հակամարտությունների և պատերզամների գոտիներում կանանց փոփոխվող սոցիալական դերի, ինչպես նաև հետպատերազմական շրջանում նրանց իրավունքների իրացման, տեղահանության և փախստականության խնդիրների մասին։ Փոդքասթում քննարկվում են նաև հակամարտությունների կարգավորման, հակամարտող կողմերի միջև երկխոսության ծրագրերի և ընդհանրապես խաղաղության հաստատման գործընթացներում կանանց դերակատար
Նազիկ Արմենակյան
«ZINEադադար» փոդքասթի այս թողարկմանը Շուշաննա Թևանյանը հյուրընկալել է լուսանկարիչ-վավերագրող, «4Plus» անկախ վավերագրական լուսանկարչության կենտրոնի հիմնադիր Նազիկ Արմենակյանին։ Նրանք խոսում են պատերազմի և դրա հետևանքների մասին լուսանկարչության միջոցով պատմելու առանձնահատկությունների և բարդությունների մասին։ Փոդքաթում նաև քննարկվում են կոնֆլիկտային և զգայուն թեմաների վերաբերյալ կոնցեպտուալ ֆոտո նախագծերի իրականացման մեթոդաբանությունը և մարդաբանական ասպեկտները։
