«ZINEադադար»-ը նկարազարդ զիների և փոդքասթերի շարք է, որի միջոցով CSN Lab-ը հարթակ է ստեղծում տարբեր հայացքների և ինքնությունների տեր կանանց համար ներկայացնելու պատերազմի իրենց պատումը։ Զիներում ամփոփված են խորքային հարցազրույցներ և բանավոր պատմություններ, որոնք ներկայացնում են կանանց անչափ զգայական և անձնական փորձառությունը։ Այս կանանց աշխարհագրությունը բազմազան է, և այս համընդգրկունության շնորհիվ ստեղծվում է պատերազմների և մարդկային փորձառության ընդհանրական պատկերը, ինչպես նաև վեր է հանվում հակամարտությունների և դրանց հետևանքների փոխկապակցվածությունը։
Այս ամենը լրացվում է յուրաքանչյուր զինում ներառված թեմատիկ փորձագիտական կարծիքներով, որոնք միջգիտակարգային տեսանկյունից անդրադառնում են առկա խնդիրներին և բարձրաձայնվող հիմնահարցերին։
«ZINEադադար» շարքի յուրաքանչյուր զինը ուղեկցվում է արվեստագետների կողմից հատուկ այս նախագծի համար ստեղծված նկարազարդ պաստառներով, որոնց նպատակն է ներկայացնել բարձրաձայնվող հիմնահարցերի զգայական ընկալումը և արտահայտումը։